Orders apni website par lein. Fake order ship hone se pehle pakar lein, har order call kar ke confirm karein, aur yeh bhi pata rahe ke kis courier ne abhi tak paise nahi diye.
Har COD order chhe marhalon se guzarta hai. NexCarrito yeh sab ek hi jagah sambhalta hai, to WhatsApp chats, register aur courier ki sheets ka jhanjhat khatam.
Customer aap ki apni website se order karta hai: aap ka naam, aap ke colours, aap ke products. Payment COD, ya agar aap chahein to JazzCash, Easypaisa aur bank transfer.
Call aur courier ka kharcha karne se pehle har order check hota hai ke is number ka pichhla record kaisa hai: aap ki shop mein bhi, aur NexCarrito ki baqi shops mein bhi. Wajah saamne hoti hai, faisla aap ka. System khud kuch cancel nahi karta.
Aap ki team ek hi calling list par kaam karti hai: risky orders pehle, aur jin ko der ho gayi un par nishaan. Har call mein kya baat hui woh likh liya jata hai, to na koi ek customer ko do dafa call karta hai, na “baad mein call karna” bhoolta hai.
“Assalam o alaikum, aap ne kal raat Loom & Co se order kiya tha, bas confirm karna tha.”
Order se hi invoice, packing slip aur label print kar lein. Courier ka naam aur tracking number daal dein, phir customer apne order page par parcel khud track kar sakta hai.
Delivery ke baad customer se review mangwa sakte hain, aur woh apne account se wohi order dobara laga sakta hai. Sales aur sab se zyada bikne wali cheezein saath saath update hoti rehti hain.
Courier jo payment sheet bhejta hai, bas woh upload karein. NexCarrito usay aap ke delivered orders se mila kar batata hai ke kis courier ne kitne diye, kitne baqi hain, aur sab se purana pending parcel kaun sa hai.
COD shop chalane walon ke roz ke masle, aur NexCarrito har ek ka kya hal deta hai.
Yeh banda teesri dafa order kar raha hai, pichhle do parcel wapis kar chuka hai.
11:42 pmShip karne se pehle hi order par us number ka poora record aa jata hai: kitne order kiye, kitne liye, kitne wapis kiye.
Courier keh raha hai payment bhej di, lekin 12,000 kam aaye hain.
4:15 pmUs ki sheet upload karein, jo parcel paid nahi hue ya kam paise aaye, woh order ke saath saamne aa jate hain.
Sale mein raat bhar mein 200 orders aa gaye. Itne labels kaise nikalein?
9:03 amOrders select karein aur labels, invoices aur packing slips ek hi click mein print.
Customer ne address ghalat likh diya, parcel abhi nikla nahi.
1:20 pmOrder par hi address theek kar dein. Change order ki history mein save ho jata hai, baad mein koi confusion nahi.
Bhai mera order kahan hai? (wohi customer, dasvi dafa)
6:48 pmCustomer apna order khud track kar leta hai, aur wahin se cancel ya return ki request bhi.
Hamara caller kaam chhor gaya. Us ne kis kis ko call ki thi, kya baat hui thi?
10:10 amHar call, us ka result aur note order par save rehta hai, aur yeh bhi dikhta hai kis ne kab kya change kiya.
Kisi ne raat 2 baje bag bhara aur bina order kiye chali gayi.
2:07 amAgar us ne “remind me” tick kiya tha to woh aap ki list mein hai, saath mein WhatsApp ka button.
Teen customers ne bank transfer kiya hai. Kaun si receipt kis ki hai?
12:30 pmHar receipt apne order ke saath ek hi list mein aati hai, aap approve ya reject kar dein.
Saat ready designs, har kism ki shop ke liye ek: fashion, beauty, grocery, home aur furniture, electronics, mobile accessories, aur baby aur kids. Har design ka apna home page aur products dikhane ka apna andaaz hai. Upar se aap ka logo, colours, fonts aur photos, aur ek saaf suthra premium look.
Beauty Soft Glow: halka lavender rang, italic alfaaz aur aap ki asli ratings, skincare aur make-up ke liye.
Naya order aate hi team ki Android app par notification aa jati hai. Callers list se ek tap par call ya WhatsApp karte hain, customer ne kya kaha likh lete hain, aur order aage barha dete hain. Kahin se bhi.
Teeno apni jagah ache hain, lekin in mein se koi bhi us parcel ke liye nahi bana jis ke paise darwaze par milte hain.
| Kya dekhna chahiye | NexCarrito | Shopify | WooCommerce | Marketplaces (Daraz, Amazon, Noon) |
|---|---|---|---|---|
| Fees kaise lagti hai | Aap ki currency mein fixed monthly fees | $39 mahana se shuru, dollars mein | Hosting, design aur add-ons ka kharcha alag | Har sale par commission |
| Apni shop aur apne customers | Haan | Haan | Haan | Nahi. Competitors ke saath, aur customers marketplace ke |
| Confirmation calls ka record | Saath milta hai | Alag paid add-on lagana parta hai | Alag paid add-on lagana parta hai | Aap ke haath mein nahi |
| Number ke record se fake order ki pehchan | Saath milta hai | Alag paid add-on lagana parta hai | Alag paid add-on lagana parta hai | Aap ke haath mein nahi |
| Courier ke paison ka orders se hisaab | Saath milta hai | Haath se | Haath se | Marketplace khud payment karta hai |
| JazzCash aur Easypaisa | Saath milta hai, seedha aap ke account mein | Kisi aur company ka add-on | Kisi aur company ka add-on | Un ka apna checkout |
| Setup kaun karta hai | Hum, aap ke saath mil kar | Khud | Khud ya developer | Khud, un ke seller center mein |
October 2026 mein check kiya, har platform ko akele dekh kar. Shopify aur WooCommerce mein add-ons se kuch features mil sakte hain, lekin aksar alag monthly fees ke saath. Shopify ki fees us ka Basic plan hai, monthly billing par.
Instagram aur WhatsApp se apni website par aane walon ke liye
WhatsApp par poochein
Zyada tar shops yehi leti hain
Jin ki team bhi hai aur courier bhi
WhatsApp par poochein
Jin ka business limits se bara ho gaya
WhatsApp par poochein
Risky customers ki warning aur calling list har package mein hai.
Batayein kya bechte hain aur abhi orders kaise lete hain. Hum call par shop aur orders sambhalne wali screen dikha dete hain.
Aap ka naam, colours, products aur delivery charges, yourshop.nexevol.com par. Password banane ka link aap ko mil jata hai.
Instagram bio aur WhatsApp status par laga dein. Order aate hi seedha calling list mein.
Bilkul nahi. Hum aap ke business wale design se shop bana kar dete hain, aap ke naam, colours aur products ke saath. Us ke baad banners, prices aur stock aap khud change karte hain, apne control panel se ya app se.
Haan, Growth aur Pro mein. Har shop pehle yourshop.nexevol.com par chalti hai, aur apna address connect hote hi us par aa jati hai.
Default mein cash on delivery. Bank transfer bhi chal jata hai, jis mein customer receipt upload karta hai. Growth aur Pro mein JazzCash aur Easypaisa bhi, seedha aap ke apne JazzCash ya Easypaisa business account mein. Online payment wale orders par confirmation call ki zaroorat nahi.
Jo courier aap pehle se use kar rahe hain. Order par courier aur tracking number daal dein, aur courier ki payment sheet upload kar ke dekh lein kitne paise aaye aur kitne baqi hain.
Haan, aap aur aap ki team ke liye Android app: naye orders, calling list ek tap call aur WhatsApp ke saath, order status, customers aur reviews.
Har us mulk mein jahan customer delivery par payment karte hain. Shop aap ki currency aur time zone mein chalti hai, aur fees bhi aap ki currency mein.
Jab chahein bara package le lein. Shop, orders aur customers sab waise ke waise rehte hain.
Haan. Products, orders aur customers aap ke hain, hum un ki copy aap ko de dete hain.
